Колку парламентарни места ќе освои движењето ЗНАМ на претстојните избори?
Јас сметам дека наредните парламентарни избори ќе бидат едни од најнеизвесните но можеби и едни највалкани избори со многу негативна кампања. Мислам дека на наредните избори поголем проблем ќе биде како да ги мотивираме граѓаните да излезат на гласање бидејќи во моментов влада една општа апатија и демотивираност на граѓаните за учество и следење на политичките процеси имајќи го во предвид сето онаа што се случуваше изминатите години. Според истражувањата кои се лиферуваат во јавноста проценки се дека доколку во момнтов има избори Движењето ЗНАМ ќе освои од 6 до 8 пратеника, за што сметам дека доколку ние како уште нецелосно формирана партија котираме со такви бројки, сметам дека по целосно формирање на партијата ние ќе освоиме двоцифрен број на мандати во парламентот. За многумина можеби изгледа и невозможно но ние на претходните локални избори во Куманово докажавме дека поголемите политички партии не се непобедливи.
ДАНИЕЛ СТОЈЧЕВСКИ
