На плажа се читаат трилери, а неделава за вас имаме одличен предлог: најновиот трилер од Стив Кавана – „Фифти-фифти“
Александра Авелино штотуку го пронашла телото на нејзиниот татко и испаничено се јавува во полиција обвинувајќи ја сестра си. Софија Авелино штотуку го пронашла телото на нејзиниот татко и преплашена се јавува во полиција. Верува дека злосторството го извршила нејзината сестра, која сака да ја убие и неа.
Но, една од овие жени лаже!
Дали проникливиот адвокат Еди Флин ќе избере да ја застапува невината сестра?
Кога почнува судењето, луѓето блиски до случајот почнуваат да исчезнуваат или да доживуваат несреќи. За првпат во својата кариера, Еди ќе почне да се сомнева во својот избор. Тој се поврзува со Кејт, адвокатката која ја застапува другата обвинета сестра.
Двајцата го презеле случајот убедени дека нивната клиентка е невина, но едниот од нив е во заблуда, а сите се во животна опасност.
Ќе победи оној кој ќе раскаже најдобра приказна.
Книгата е достапна во нашата кафе-книжарница „Букси“, бул. „III МУБ“.
Марија Колевски, сопственичка на книжарница „Букси“ во Куманово.
