А
Андромеда. Нашата соседна галаксија.
Б
Борба. Смислата на животот.
В
Ветер. Носи убаво време. Она кое вилнее. А и јачи.
Г
Грмотевица. Празнење кое носи враќање кон рамнотежа.
Д
Добар филм со добри луѓе.
Ѓ
Ѓуѓум. Стогодишно траење, кое го имаме дома.
Е
Елизабета.
Ж
Жаба во тегла, на работна маса.
З
Зеленило, што повеќе околу нас.
Ѕ
Ѕевгар. Сите ние во денешниот ден.
И
Истрајност. Возилото по површината на Марс.
Ј
Јаболко. Паднато на главата на Њутн.
К
Колку ли е бројот на ѕвездите на небото? Септилион е!
Л
Леворак. Јас, заедно со секој десетти човек во светот.
Љ
Љубезност. Она што ни е потребно, заедно со сестра ѝ Емпатија.
М
Мелифи, заедно со Елифи. Интелигентни уреди кои ќе спасуваат човечки животи.
Н
Нетрпеливост. Ама да ја нема.
Њ
Види погоре под Ј.
О
Опстанок. Да има доволно долго постоење. За сите да стасаме во животот.
П
Полигон. Во животот правиш и работи за кои мислиш дека мораш да ги правиш.
Р
Радост. Оди заедно со гордоста заради успехот и добрината на оние кои доаѓаат по тебе.
С
Снег. Ниту една снегулка не е иста со некоја друга, а сите се снег.
Т
Топлотен бран. Што сè не сме поминале, та и ова?
Ќ
Ќерамиди. Оние турски од покривот, видливи од прозорецот на моето детство.
У
Урош. Нишани. И добро е ако погодува.
Ф
Фабрики. Имаше едно време кога навистина беа на работниците.
Х
Хопла. И тоа на два ката.
Ц
Цвеќе. Ама во градина, не во вазна.
Ч
Човек. Ама да е човек.
Џ
Џабе. Работи, ама не седи.
Ш
Шепотење. Шушкаво, во перници.
