„Приказната за поврзаноста со телото нè потсетува на мудроста што ја носиме во себе, а вежбите TRE® се моќен начин да се разбуди таа мудрост“
Ајде и денес да читнеме една поучна приказна, а наредниот четврток ќе ви објаснам кратко и јасно зошто е важно да бидеме поврзани со нашето тело.
„Подарок на мудрото дрво“
Некогаш, во срцето на една густа шума, живеело едно древно дрво кое било почитувано и сакано од сите наоколу. Ова дрво било посебно по тоа што имало способност да зборува со оние кои внимателно слушале. Неговите корени, цврсто вкоренети во земјата, не само што го одржувале дрвото стабилно, туку и го поврзувале со сè што се случувало во светот околу него. Знаело за секоја промена на земјата, секој шепот на ветрот и секој чекор што некој ќе го направил во близина. Еден ден, една млада девојка по име Мира, која живеела во село на работ на шумата, дошла до ова дрво. Таа била исцрпена, збунета и се чувствувала сосема изгубена во сопствениот живот. Телото ѝ било напнато и уморно, но не ѝ било јасно зошто. Чувствувала дека нешто не е во ред, но не можела да најде мир ниту во умот, ниту во телото. Мира седнала под дрвото, чувствувајќи ја сенката на неговите раскошни гранки и тивко се запрашала: “Зошто се чувствувам вака? Што ми е?”
Дрвото, чувствувајќи ја нејзината тага, тивко проговорило: „Драга Мира, колку време не го слушаш своето тело?”
Девојката била изненадена кога слушнала како дрвото зборува, но сепак, не премногу. Таа отсекогаш знаела дека има нешто магично во оваа шума.
„Не знам“ – одговорила. „Можеби никогаш. Постојано трчам да ги завршам обврските, постојано сум во грижи и се чини дека немам време да размислувам за себе. “
Дрвото мудро кимнало со гранките. „Твоето тело ти испраќа сигнали, но ти ги игнорираш. Како што моите корени се поврзани со земјата и знаат кога доаѓа бура, така и твоето тело знае кога нешто не е во ред. Но, ако не го слушаш тоа, се исклучуваш и оддалечуваш од себе и од својот внатрешен мир“.
Мира внимателно го слушала дрвото, сфаќајќи што всушност се случува.
“Но, како да се поврзам со моето тело? Како да го слушам?”
Дрвото благо се насмевнало. „За почеток, биди присутна. Земи длабок здив и почувствувај како здивот ти поминува низ телото. Почувствувај го секој дел од себе, од глава до петици. Дозволи си да бидеш овде и сега, без брзање, без грижи. Кога ќе почнеш да слушаш, тогаш твоето тело ќе ти каже што му е потребно – дали е тоа одмор, храна, движење или нешто друго“.
Мира ги затворила очите и го слушала дрвото. Започнала полека да дише, чувствувајќи го секое вдишување и издишување. Додека свеста патувала низ нејзиното тело, таа почнала да чувствува напнатост во рамената, болка во стомакот, но и топлина во срцето. За прв пат почувствувала поврзаност со себе, нешто што долго време го имала запоставувано.
„Ехх, тоа е она што ми недостасуваше“ – си рекла таа тивко.
„Бидете присутни, овде и сега. Слушајте го вашето тело“ – продолжило дрвото.
„Сега научивте важна лекција. Поврзувањето со вашето тело е патот до лекување, мир и среќа. Како што ја чувствувам земјата под мене и светот околу мене, така и вие мора да го почувствувате вашето тело и сè што се случува во него. Твоето тело е твој дом, засолниште и твој водич“.
Мира му се заблагодарила на дрвото, чувствувајќи се обновена и моќна. Знаела дека од тој ден повеќе нема да се оддалечува од себе. Секој чекор што го правела назад во селото бил лесен, бидејќи во себе го носела дарот на мудрото дрво – дарот на поврзување со своето тело. Оттогаш, Мира вежбала секој ден како да го слуша сопственото тело, наоѓајќи го мирот во сегашниот момент и дозволувајќи си да го живее животот со повеќе свесност и самољубие.
А древното дрво, тоа секогаш беше присутно и мудро и продолжи да им ги шепоти своите тајни на оние што сакаат да слушаат.
Поврзувањето со телото не е само теорија туку практика што можеме да ја постигнеме секој ден.
Приказната за поврзаноста со телото нè потсетува на мудроста што ја носиме во себе, а вежбите TRE® се моќен начин да се разбуди таа мудрост. Преку ослободување на напнатоста и вибрациите кои телото природно ги користи за лекување, TRE® нè води до подлабоко разбирање и прифаќање на сигналите што телото ни ги испраќа. Овие вежби не само што помагаат да се намали стресот, туку нè учат и како да го слушаме и почитуваме нашето тело, што е клуч за здрав и исполнет живот.
До следното читање ви посакувам мир и многу љубов.
Продолжува…
Фросина Здравковиќ
III МУБ бр. 35 (по скали до градска пекара)
