Кога сме свесно поврзани со нашето тело, подобро ги препознаваме сигналите што ни ги испраќа, како стрес, напнатост или замор, што ни овозможува навреме да реагираме и да си ја пружиме потребната грижа.
Ајде денес да објасниме зошто е битна поверзаноста со нашето тело. Разбирањето на важноста на свесноста за телото е клучно за постигнување внатрешен мир и вистинска благосостојба.
Во современиот свет, повеќето од нас го поминуваат поголемиот дел од времето „во нашите глави“ – нурнати во мисли, грижи, планови и анализи. Овој начин на живот често нè одвојува од нашите тела, заборавајќи да ги слушаме сигналите што ни ги испраќа телото. Наместо да бидеме присутни во сегашниот момент, ние губиме контакт со физичките сензации, дишењето и телесниот ритам. Оваа дисонанца може да доведе до стрес, анксиозност и исцрпеност, бидејќи телото останува запоставено, а умот преоптоварен. Враќањето во телото, преку свесното практикување на присуство, ни овозможува да најдеме рамнотежа, да го смириме умот и да си ја вратиме енергијата.
Поврзувањето со телото е од суштинско значење за нашето физичко, ментално и емоционално здравје. Кога сме свесно поврзани со нашето тело, подобро ги препознаваме сигналите што ни ги испраќа, како стрес, напнатост или замор, што ни овозможува навреме да реагираме и да си ја пружиме потребната грижа.
Еве кои се придобивките од поврзување со своето тело:
Превенција од стрес и исцрпеност: Поврзувањето со телото ни помага да ги препознаеме раните знаци на стрес или преоптоварување пред да прераснат во посериозни проблеми. Кога го слушаме нашето тело, можеме да преземеме чекори за да се одмориме и регенерираме, а со тоа и да го спречиме изгорувањето.
Емоционална регулација: Нашето тело често носи емоционална траума и стрес во форма на напнатост и болка. Преку поврзување со телото, можеме да станеме свесни за овие емоции и да работиме на нивно ослободување, што придонесува за емоционална рамнотежа и смиреност.
Поддршка за исцелување: Телото има природна способност да се лекува, но оваа способност често се потиснува кога не сме во контакт со сигналите на нашето тело. Поврзувањето со телото ни овозможува да ги активираме и поддржуваме овие природни процеси, без разлика дали преку вежбање, исхрана или релаксација.
Подобрување на свеста за сегашниот момент: Поврзувањето со телото нè враќа во сегашниот момент, помагајќи ни да се ослободиме од грижите за минатото или иднината. Ова придонесува да живееме во сегашноста, каде што сме свесни за нашите потреби и околина.
Зајакнување и самосвест: Преку поврзувањето со телото, стануваме посвесни за нашите граници, но и за нашите сили. Ова ни дава моќ да донесуваме подобри одлуки во секојдневниот живот, грижејќи се за нашето здравје и благосостојба.
Врската со телото не е само физички аспект, туку и длабоко емотивно и ментално искуство кое доведува до целосен и свесен живот. Преку оваа врска учиме да го слушаме и почитуваме нашето тело, правејќи чекор кон поголема благосостојба и внатрешен мир.
Да се биде присутен во своето тело значи да се живее во потполност, поврзан со сегашниот момент и со своите автентични чувства. Одвојувањето од телесната свест може да нè оддалечи од нас самите и од животот што нè опкружува. Враќајќи се кон телото, се враќаме кон себе – стануваме посвесни, посмирени и поспособни да уживаме во секојдневните искуства. Во оваа врска лежи клучот за исполнет и избалансиран живот.
До следното читање, ви посакувам љубов, присутност и мир.
Продолжува…
Фросина Здравковиќ
III МУБ бр. 35 (по скали до градска пекара)
