Д-р Ирена Арсовска: „Убавите заби нека бидат една од причините да бидете постојано насмеани.“
Што е ортодонција?
– Ортодонцијата е стоматолошка клиничка специјалистичка гранка која се занимава со растот, развојот и одржување на целиот дентофацијален комплекс како и проучување на развојните пореметувања и сите фактори кои можат да бидат причинители на малоклузии. Поимот малоклузија или
ортодонтска аномалија означува разлчни варијации во изгледот на вилиците, положбата на забите и нивниот меѓусебен однос.
Причини за ортодонтски аномалии се најчесто генетска предиспозиција, лоши навики, одредени болести, особено опструктивни проблеми со дишењето, како и повреди во пределот на дентофацијалниот комплекс. Последиците се не само естетски, иако тие може да бидат највоочлви, туку и
нарушување на мастикаторната функција, проблеми со правилен говор, дегенеративни промени во виличниот зглоб, и уште многу дисфункции како резултат на неправилно воспоставените меѓувилични односи.
Неправилностите во положбата на забите допринесуваат за отежнато одржување на орална хигиена, зголемена инциденца на кариес и пародонтлошки проблеми.
Според наведеното ортодонцијата е сеопфатна наука и пракса која овозможува корекции на положбата на забите, воспоставување на правилни меѓувилични односи и правилна функција на стоматогнатиот систем, орално здравје, естетика, функција и од психолошки аспект поголема самодоверба
за пациентите.
