Една од поголемите ексклузиви на неодамнешниот „Мото рок Бест фест Куманово 2025“ беше тоа што на жешката рок сцена на Аџитепе, кумановската рок група „The solution“ ја промовираа својата втора бендовска, а прва авторска песна, за време на нивниот концертен настап на 14 јуни.
Носи наслов „Време“ за која првата строфа ја напиша Христијан Ивановски, а другиот дел од текстот го напишаа двајцата вокалисти Ивана Стојановска и Филип Гелевски.
Музиката и аранжманот се на Филип Стојковски, нивни член.
Микс и мастер и продукција Иван Петровски – Џоки од Скопје.
Спотот е сниман во Градска Пивница Куманово (со помош на повеќе кумановски спонзори: Алфи Техноцентар, Compass Management International, The Block Tattoo Studio, Аптека Марк Фарм, Be Power Cosmetics, Визија – Образовен Центар, Man Sped Consulting, Сервис за перење теписи Обрадовски, Black Nadja Cosmetics, Beauty Center Barbie, Pavel Tobacco, Pro Vitalis, Prolab Kumanovo).
„The solution“ неколку години беа познати низ градот по добрите рок журки. Сега почнуваат да создаваат свој репертоар, нивната деби песна „Ти и јас“ изведена на „Макфест 2024“, публиката добро ја прифати. Неа ја потпишува Филип Стевановски од Штип. Втората е веќе на бендот.
Со вторава, „развалуваат“.
Дали и колку е добра, ќе се уверите сами.
