Во тек е конкурсот за осмото издание на ФИЛМАЈ фестивалoт на кратoк филм, организиран од фото-кино клуб „Козјак“ – Куманово. Преку платформите FilmFreeway и festhome може да се пријават кратки играни филмови со траење до 20 минути и завршени по 1 јануари 2024 година. Конкурсот ќе биде отворен до 8 март 2026 година.
Филмовите може да конкурираат за награда „Лазар Ѓорѓевиќ“ за најдобра режија, награда „Радислав Ристевски“ за најдобра фотографија/кинематографија, награда „Koзјак“ за најдобрo сценарио и награда „ФИЛМАЈ” за најдобар краток филм.
Македонските (домашни) филмови кои конкурираат за награда за најдобар македонски филм, истовремено влегуваат и во меѓународна конкуренција за горенаведените награди.
На специјалната фејсбук-страница fb.com/filmaykozjak, редовно ќе бидат објавувани информации поврзани со ФИЛМАЈ 2026 фестивалот.
Р.П.
