Азбука на Александар Стефановски

Уредник
Се чита за 2 минути

Од фрагментите на својата фантазија тој ја состави својата азбука. Од уметничкиот жар ја потпали секоја буква. Од талентот, добродушноста и љубовта му даде смисла на секој слог. Роден за сцена, за ликовно творештво и градска култура – професор по ликовна уметност со силна аура – Александар Стефановски

А

Амбициозност на сите полиња и пракси

Б

Блажен мојот наследник во уметноста

В

Восприемање на вистината, каква и да е

Г

Гордост во професијата професор

Д

Добар, добродушен, доблест од која понекогаш си патам

Ѓ

Ѓердан од идеи за следни предизвици и проекти

Е

Емпатија. Емоција, елеганција и енергија

Ж

Живот, да го цениме максимално, нема реприза

З

Златно правило: Многу е лесно да си лош, многу потешко е да си добар

Ѕ

Ѕвездите на ноќното небо и по некоја ѕуница во утрата

И

Истрајност и искреност

Ј

Јасен (омиленото дрво), дали сум јасен?

К

Кариера во уметнста (се трудам, споро ама сигурно)

Л

Ликовни колонии, запознавање на уметници од различни држави и култури

Љ

Љубов во сè што го работам

М

Мислата чиста, молитвата бистра

Н

Навигатор во новото време, неуморен за креативни предизвици

Њ

Њух (да се има интуиција, каде, што, како?)

О

Огнен, мојата елегантна емоција

П

Педагогија, психологија, и да се прекине со предрасудите

Р

Распеано детство (дружење со дечиња пеачи како водител на фестивалот)

С

Семејство, да си го чуваме и негуваме, со многу спокој

Т

Театар (неостварена желба, но се снаоѓам кога сум на сцена)

Ќ

Ќеф (ако сам не си го направиш, никој нема)

У

Уметност, начин на живот и начин на изразување и комуникација

Ф

Фросина, љубовта на мојот живот

Х

Хармонија во жонглирањето со кариерата и семејството

Ц

Цутење на идејата (момент пред да се почне белото чисто платно)

Ч

Човек, да се биде и да се остане човек

Џ

Џабе извини, ако е скршен џамот и излетаат сите џивџани

Ш

Шега, вкусна, смешна и на вистинското место

ОЗНАЧЕН:
Споделете ја оваа статија