Актерка. Работи во Кумановскиот театар, а плус работи и како водител на ТВ Сител, ја води емисијата Качамак и има сопствена маркетинг агенција. Импресивно нели? Вака, во една куса реченица би ја раскажале биографијата на Владанка. Бидејќи, за целосното резиме би ни требале страници и страници.
Азбуката што реши да ја каже за ПЛОШТАД, ја открива нејзината животна приказна. Ние само ќе додадеме дека е една од новите генерации на талентирани, специфични и уникатни македонски актерки. И дека со нејзината фасцинантна глума не ве остава рамнодушни. Дека е носител на разумни и гласни идеи, дека поместува граници и раскажува приказни. Едноставно е: таа нема предрасуди и нема страв да истражува и да ги „гушне промените“.
А
– Авион, превозно средство што треба да се користи малко повише за да се отворив видици.
Б
– Брокула, некои људи су ти како брокула, ем зелени ем бљантави на укус.
В
– Вера, „Најважно е да го носиш својот крст на чело и да веруваш, јас верувам и не ми е тешко”
Г
– Гром, или како што би кажале кумановци, он у коприве не удара.
Д
– Добри људи, добро време – нешто што сакам да га имам около мене.
Ѓ
– Ѓавол, улегнаја све подлибоко и све почесто у много људи.
Е
– Елка, новогодишна најубав спомен на детство и радост!
Ж
– Жан, живот мој.
З
– Звонимир, дедо ми. Мој мир. Много ми фали.
Ѕ
– Ѕуница, нема поубав збор на македонски јазик.
И
– Идеал, ајде да ги имамо повише, да ги бранимо ревносно и да градимо општество на кое ќе смо горди.
Ј
– Јасмин – омилено цвеќе. Мирис на лето, морски бран и убаво фрапе покрај море.
К
– Круг, вртимо се у круг веќ дугачко време, приметуете или мене ми се чини?
Л
– Лицемер – људи кои не можу да ги свару, ама пошто сакам да збору убаво ќе кажу; Лебед – чисто, наше, убаво.
Љ
– Љубав, без њум не се може, а на нас и сас њум ни тешко.
М
– Мајка, моја. Фала мамо за све!
Н
– „Никад па ни т’г“ или „на куково лето“ или „не долази у обзир“, стара кумановска к’д едноставно нејќеш нешто да направиш.
Њ
– Њоки, к’д би се родила у Италију само на њим би живела.
О
– Осмица, бескрај. Мој омилен број.
П
– Политика, нејќу да гу слушам, још помалко да се мешам, а најубаво е да се правиш дека не гу разбираш.
Р
– Радост, радост на живот, радост на момент, радост мој втор омилен збор.
С
– Сила, нешто што на свакога му треба, а све поретко гу имамо.
Т
– Татко, Фала ти тато за све!
– Театар, моја прва љубав и буквално куде нас даске што живот значив
Ќ
– Ќеф, много сакам да си праву работе од ќеф, за себе за мене за моју душу!
У
– Убавината ќе го спаси светот! – мој омилен цитат од Достоевски, роман „Идиот“ надам се дека све почесто ќе се чита и све почесто ќе се применуе.
Ф
– Филм, љубав која не умира ама нешто не ми се дешава, да се надамо дека у 30-ти ќе заиграм и на големо платно.
Х
– Храброст, искрено храброст е да се живи дан’ска у толко неправде.
Ц
– Цвет! Кој сакаш, к’д сакаш. Треба да си купуемо почесто да си садимо и да си уживамо.
Ч
– Чир, некои људи су ти буквално како чир.
Џ
– Џамлија, сода и сви безгрижни моменти на улицу у детство.
Ш
– Широк, широк осмех, широка душа, широка улица. Све да ни е широко, а живот убав.
