Наташа Атанасовска е независна преведувачка, професорка по странски јазици и медиумски аналитичар која има работено, како што самата вели, „кај што ќе стигне“. Незаситен читател и една од основачите на читачкиот клуб во Куманово кој функционира веќе 14 години. Родум од Куманово, но космополит во душата. Личност која секогаш прави планови за нови патувања, креативни проекти и активности што ќе го размрдаат нашево „застоено“ Куманово.
А
Ангел, мојот син-тинејџер кој ми го прави животот и рај и пекол.
Б
Близнаците на сестра ми, тетина гордост.
В
Вуди Ален, секогаш ме засмејува и расположува.
Г
Готвено јадење, клуч за здравје во домот.
Д
Дружење и десерт, бидејќи без нив животот би бил празен и беден.
Ѓ
Ѓон, изабени ѓонови од премногу пешачење.
Е
Ефраим Кишон, најсмешниот самокритичен писател со еврејско потекло.
Ж
Житарки за појадок.
З
Зумба, природен антидепресив.
Ѕ
Ѕвездите на небото, каква ли тајна кријат?
И
Иднината, што ли ни носи?
Ј
Јадења, и солени и слатки за гурман како мене.
К
Книги, книги и уште книги, секоја недела, од секој дел на светот.
Л
Лондон, што друго?
Љ
Љубов, тоа е сѐ што ни треба.
М
Мозок, орган во телото кој е за секојдневна употреба.
Н
Надеж дека сѐ ќе биде добро.
Њ
„Њу погоди“, цртан филм од моето детство
О
Образование, колку и да се обидуваат да го деградираат, сепак е најважната работа во животот.
П
Пиво и перница за лек сон.
Р
Роберт, мојот човек за сите времиња.
С
„Свемир“ кафе-барот со најубавите колачи во градот.
Т
Теодора, мојата ќерка и надеж.
Ќ
Ќофтиња со каша.
У
Универзитет, местото од каде што знаењето те вивнува во светот.
Ф
„Филхармонија бар“ во Скопје, местото во кое сѐ уште има добра музика и загарантирана забава.
Х
Храна, за целосно уживање во животот.
Ц
Цени кои постојано растат.
Ч
Чоколадо, пред да стане најскапата храна на светот. Читачкиот клуб, моето најголемо достигнување во борбата против градската здодевност.
Џ
Џин и тоник.
Ш
Шпанскиот јазик, музикален, пријатен за уво, лесен за читање и пишување.
